Gizartea -
OIARTZUN
Onik aurkitu dute Aiako Harriak inguruan galduta zegoen 52 urteko emakumea
Goizaldean eman dute abisua emakumearen etxekoek. Atzo arratsaldean atera zen etxetik, mendi ibilaldi bat egitera.
AGENTZIAK | ERREDAKZIOA
Aiako Harriak mendilerroan, Oiartzun inguruan, galduta zegoen 52 urteko emakumea onik aurkitu dute. Antza, inguruan zebilen mendizale batek aurkitu du.
Eusko Jaurlaritzako Segurtasun Sailak jakitera eman duenez, atzo arratsaldean atera zen etxetik emakumea, mendi ibilaldi bat egitera. Haren etxekoek goizaldean, 03:00ak aldera, eman dute desagerketaren abisua. Antza, ordura arte telefonoz harremanetan egon dira galdutako emakumearekin.
Suhiltzaileak, Ertzaintzako agenteak, eta Gurutze Gorriko eta DYAko kideak hartu dute parte bilaketa lanetan.
Hau zure interesekoa bada, baliteke beste gai hauek ere izatea