Itxi

Gizartea

KORONABIRUSA

Zarrakaztelu eta Cadreita itxi dituzte

AGENTZIAK | ERREDAKZIOA

Konfinamendua 00:00etan sartu da indarrean, eta neurriak zazpi eguneko iraupena izango duela aurreikusi dute.

  • Zarrakaztelu.

    Zarrakaztelu. Artxiboko argazkia: Jose Maria Vega (EiTBko erabiltzailea)

Nafarroako Osasun Departamentuak Zarrakaztelu eta Cadreita konfinatzea erabaki zuen, udalekin adostuta, koronabirusaren hedapenaren ondorioz Foru Erkidegoan egoera kezkagarria atzeman ondoren.

Ostegun gauerditik aurrera, sarrerak eta irteerak murriztu dituzte, ezinbesteko kasuetan baino ezin da bertatik atera edota bertara sartu, eta Nafarroa osorako agindu dituzten murrizketa orokorrak dituzte indarrean udalerri horien perimetroaren barruan.

Zarrakaztelun eta Cadreitan, azken 14 egunetan, 100.000 biztanleko 4.200 kasutik gora detektatu dituzte.

Konfinamendua ostiraleko 00:00etan sartu da indarrean, eta neurriak zazpi eguneko iraupena izango duela aurreikusi dute.

Nafarroako Gobernuak iragarritako neurri horiek Azkoien, Faltzes, Funes eta San Adrian udalerrietan soilik hartu dituzte.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn eta Nafarroan. Iparraldean, "espazio publiko itxietan" da derrigorrezkoa, baita Lapurdiko herri eta hiri nagusietan ere.
  • Bisitatuena

      Kargatzen ikusiena
      Kargatzen ikusiena