Gizartea -
Madrilen
Gizon bat hil da kontrako noranzkoan zihoan auto batekin talka eginda
Zortzi kilometro baino gehiago okerreko bidetik egin dituen gidariak positibo eman du alkoholemia proban eta atxilotu egin dute.
Erredakzioa
Ezbeharra goizeko 04:15ean jazo da. Kontrako noranzkoan zortzi kilometro baino gehiago egin dituen auto gidariak positibo eman du alkoholemia proban. Guardia Zibilaren agenteek istripua izan eta minutu batzu geroago atxilotu egin dute, gaur pasako da epailearen aurretik.
Guardia Zibila gertakaria ikertzen ari da, gizonezkoa okerreko noranzkoan nahita edo nahi gabe sartu den argitzeko. Kontrako noranzkoan zortzi bat kilometro egin ditu 40 urteko gidariak, bidean beste auto baten kontra talka egin arte. Beste ibilgailuan zihoan gidaria hil egin da, eta autoa saihestea lortu duten beste hiru ibilgailuren gidariak zauritu egin dira.