Publizitatea
Itxi

2020/10/26

20:08

Gizartea

Koronabirusa

Euskadiko osasun egoera "kezkagarritzat" jo du Sagarduik

agentziak | erredakzioa

Eusko Jaurlaritzaren ustez, eraginkorragoa da neurri murriztaileak udalerri guztietara zabaltzea.

  • Euskadiko osasun egoera "kezkagarritzat" jo du Sagarduik

    Gotzone Sagardui Osasun sailburua. Argazkia: EFE

  • Whatsapp
  • Whatsapp
  • Telegram
  • Bidali

Gotzone Sagardui Osasun sailburuak "kezkagarritzat" jo du Euskadiko osasun egoera, COVID-19aren pandemiak azken egunotan utzitako datu kezkagarriengatik. Horri erantzuna emateko, Arabako, Bizkaiko eta Gipuzkoako udalerri guztietan eragina izango duten neurri murriztaileak ezarri ditu Jaurlaritzak astelehen honetan.

Iñigo Urkullu lehendakaria buru zuela LABI Euskadiko Babes Zibileko Planak arratsaldean egindako premiazko bileraren ostean, Sagarduik prentsaurrekoa eman du neurri berriak iragartzeko.

Hala, Osasun sailburuak aurreratu du Euskal Autonomia Erkidegoa ixteko erabakia hartu dutela, eta euskal herritarrak ezingo direla beren bizilekutik atera, justifikatutako arrazoiengatik ez bada (osasunarekin, lanarekin edo hezkuntzarekin lotutakoak).

Sagarduiren esanetan, "erkidego osoan da kezkagarria egoera epidemiologikoa". Horregatik, Jaurlaritzak uste du eraginkorragoa dela neurri murriztaileak udalerri guztietara zabaltzea.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn eta Nafarroan. Iparraldean, "espazio publiko itxietan" da derrigorrezkoa, baita Lapurdiko herri eta hiri nagusietan ere.
  • Bisitatuena

      Kargatzen ikusiena
      Kargatzen ikusiena