Gizartea -
Zorrotza
Sei lagun zauritu dira autobus batek eta auto batek talka eginda
Autoa kontrak eskutik sartu eta autobusa jo zuen atzo. Bestalde, kamioizale bat zauritu egin da Araban. Kamioia irauli eta bost orduz hankak harrapatuta egon da Txagorritxura eraman aurretik.
Erredakzioa
Sei lagun zauritu dira bart Zorrotzan autobus batek eta auto batek talka eginda A-8an, Zorrotzan. Ezbeherra Basurtoko noranzkoan gertatu zen atzo gauean. Oraindik argitzeke dauden arrazoiak medio, auto bat kontrako eskutik sartu zen N-634 errepidean eta parez pare jo zuen autobusa. Ondorioz, sei lagun zauritu ziren.
Kamioizale bat zaurituta, Araban
Bestalde, kamioizale bat zauritu da gidatzen ari zen ibilgailua iraulita N-1 errepidean, Arratzua-Ubarrundian, Herrizaingo Sailak jakitera eman duenez.
Aipatu iturrien arabera, ezbeharra Madrilgo noranzkoan gertatu da 02:00ak aldera. Kamioia errepidetik irten eta irauli egin da. Gidaria hankak harrapatuta geratu da eta ezin izan dute askatu 07:00ak arte. Behin askatuta, Txagorritxu ospitalera eraman dute, baina ez dute bere osasun egoeraren berri eman.
Kamioia errepidetik kanpo geratu bada ere, N-1eko eskuin erreia itxita egon da 08:00ak arte.