Gizartea -

Desagertua

Pasaiako portuan uretara erori den arrantzalearen gorpua aurkitu dute

Goizaldean, bi pertsona arrantzan ari zirela, olatu batek uretara bota ditu. Batek irtetea lortu du, baina besteak ez. Ertzaintzaren helikopteroak aurkitu du gorpua 15:30 aldera.

Pasaia. Argazkia: Xanti Esnaola
Pasaia.
Pasaia. Argazkia: Xanti Esnaola

Agentziak | Erredakzioa

Whatsapp Facebook Twitter Telegram Email

Pasaiako portuan itsasora erori, eta gaur goizetik desagertuta zegoen arrantzalearen gorpua aurkitu dute larrialdi zerbitzuak, Eusko Jaurlaritzako Segurtasun sailak esan duenez.

02:30ean izan da istripua. Bi pertsona Pasaiako portuan arrantza egiten ari zirela, arroketara jaitsi, eta olatu batek biak bota ditu uretara.

Gizonetako bat bere kabuz irten da urtetatik eta 112ra deitu du. Berehala hasi dira Itsasoko Laguntza zerbitzuak, Gurutze Gorriaren ontzi bat, Ertzaintzaren urpekariak eta mendi erreskate talde bat zein suhiltzaileak bilaketa lanetan.

Azkenean, 15:30 aldera gorpua ikusi dute Ertzaintzaren helikoptero batetik eta Gurutze Gorriko ontziak erreskatatu ondoren, Pasaiako portura eraman dute.

Hau zure interesekoa bada, baliteke beste gai hauek ere izatea
Gipuzkoa EAE Gizartea Eguneko albisteak Pasaia Albisteak Desagertutako pertsonak