Udazkeneko lehen izozteak etor litezkeela iragarri dute

Egunsentian udazkeneko lehen izotzaldiak izan litezkeela eta, Herrizaingo Sailburuak alerta horia ezarri du, batez ere Araban sor litezkeen arazoengatik.

Euskalmet Euskal Meteorologia Agentziak adierazi duenez denboraldiko lehen izozteak gaueko 02:00 eta goizeko 10:00ak bitartean sor litezke.

Azken egunetako euriteek eta aurrerantzean egingo duen hotzak, gaur gauean Gasteizen zero gradutik behera egitea espero da, izotz plakak sortzea, batez ere leku hezeetan.

Euskalmeten arabera, izozteek Arabako mendilerroko, haranetako, Gorbeiako mendi adarretako eta Arabar lautadako eskualdeetan izan dezakete indar gehien, batez ere ibai inguruetan.

Nahiz eta orokorrean izozte hauek ez duten indar handirik izango, horrelako egoerek gidariengan sor ditzaketen arriskuez gogoratu du Herrizaingo Sailak. Horretarako, segurtasun distantzia handiagotzeaz gain, abiadura jaistea eta balazta bortizki ez erabiltzeko gomendioak eman ditu.