Itxi

Gizartea

KORONABIRUSA

AstraZeneca: "Martxoaren amaieran txertoa banaketa fase aurreratuan egon daiteke"

AGENTZIAK | ERREDAKZIOA

2021 urtearen hasieran, farmazialariak 3.000 milioi dosi inguru izango ditu, baina zaila izango da banatzea, eskari handia dagoelako.

  • SARS-CoV-2aren aurkako txertoaren saiakuntza klinikoak

    Nazioartean 175 txerto desberdin ari dira lantzen. Argazkia: EFE.

Josep Baselga AstraZeneca farmazia enpresako Onkologia Ikerketa eta Garapeneko zuzendariak astelehen honetan esan duenez, "datorren urteko lehen hiruhilekoaren amaieran, dena ondo badoa, txertoak banaketa fase aurreratuan egongo dira".

Rac1 kateari egindako adierazpenetan, Baselgak esan du AstraZenecak kalkulatzen duela 2021aren hasieran txertoaren 3.000 milioi dosi izango dituztela, eta eraginkorrak izatea espero duela.

"Zaila" izango da banaketa diseinatzea, egongo den eskaria kontuan hartuta; hori dela eta, datorren urteko "lehen hiruhilekoaren amaierara arte" txertoak ez lirateke "banaketa-fase aurreratuan" egongo.

Horrenbestez, AstraZenecak urtea amaitu baino lehen lau txertoetatik "bat, bi edo hiru" emaitzak ematen hastea espero du.

Enpresa horren txertoen kasuan, bi dosi aplikatzea aurreikusten dute: bigarrena lehenengoa egin eta 28 egunera.

Baselgak azaldu duenez, une honetan nazioartean 175 txerto desberdin ari dira lantzen, horietatik 35 gaixoekin egiten ari diren saiakuntza klinikoetan eta 10 egiaztapenaren azken fasean.

Hala ere, azpimarratu duenez, "txertoak lagundu egingo du, baina ez da irtenbide bakarra", eta AstraZeneca "antigorputz monoklonalen"  tratamendu bat garatzen ari da, birusa pasa duten pertsonen antigorputzak gaixo egon daitezkeenei emateko.

Tratamendu horietako 16 garatzen ari dira, eta bat bereziki "oso ona da".

Hala ere, "beldurgarria" izango den neguaren ostean, uda "nahiko normala" izatea espero du, eta nahi ez duenari txertoa jartzera behartu behar ez dela esan du, bere ustez "ukaezina den askatasun indibidualaren printzipioa" nagusitu behar delako.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn eta Nafarroan. Iparraldean, "espazio publiko itxietan" da derrigorrezkoa, baita Lapurdiko herri eta hiri nagusietan ere.
  • Bisitatuena

      Kargatzen ikusiena
      Kargatzen ikusiena