Gizartea -
19:00etan hasi da
Alonsotegin sute bat hasi da eta FEVEren zirkulazioa eten du
Bestalde, 13:00etan Gobeoko gainan hasitako sutea, Balmaseda eta Zalla artean, 19:00ak aldera itzali dute.
Erredakzioa
19:00etan, Arbuioko basogune batean, Alonsotegi udalerrian, sute bat hasi da eta FEVEren tren zirkulazioa etea eragin du, Herrizaingo Sailak jakitera emandakoaren arabera.
Bertara suhiltzaileen hainbat patruila joan eta sute kontrolpean hartzen saiatzen ari dira.
Zallako sutea, itzalita
Bestalde, Herrizaingo Sailak adierazi duenez, 19:00ak aldera Gobeoko gainan, Balmaseda eta Zalla artean hasitako sutea itzaltzea lortu dute. Sute hori 13:00etan hasi da.
Sute horrek 20 hektarea inguru erre ditu, basobera, sasiak eta eukalipto batzuk batez ere, Bizkaiko Foru Aldundiko Nekazaritza Sailaren arabera.
