Barakaldon 113 familia etxetik bota dituztela salatu dute

Barakaldoko talde sozialek urteko lehen seihilabetean Bizkaiko herrian 113 familia etxetik bota dituztela salatu dute, eta Udaletxeari aurrekontu justuagoak eta solidarioagoak eskatu dizkiote.

Besteak beste, Caritasek, Berri-Otxoak bazterketa sozialaren aurkako plataformak eta Argitan emakumeari aholkuak emateko zentroak, adierazi dutenez, Euskadin etxetik bidaltzeari dagokionez ematen diren kasu guztietatik % 9,5 Barakaldon izan dira.

Halaber, 2011ko bigarren hiruhilekoan Barakaldoko 59 familiak euren ohiko etxebizitza galdu zuten, urtarrilaren eta martxoaren artean, aldiz, 54k.

Orain, Barakaldoko epaitegietan 37 familiei etxetik bidaltzeko izapideak betetzen ari direla jakinarazi dute, eta hilabetetik hilabetera kopuru hori handitzen joango dela gaineratu dute.