Gizartea -

Azaroak 20 – abenduak 4

Abian da Euskaraldiaren bigarren edizioa

Azaroaren 24ra arte eman daiteke izena ariketa sozialean. Orain arte izena eman dutenen % 79 ahobizi izango dira.

Azaroaren 20tik abenduaren 4ra egingo da Euskaraldiaren bigarren edizioa
Euskaraldia
150.000 lagunek baino gehiagok eman dute izena gaur hasi den Euskaraldian

1:28

eitb.eus

Whatsapp Facebook Twitter Telegram Email

Hasi da Euskaraldiaren bigarren edizioa, eta 147.000 lagunek eman dute izena ahobizi eta belarriprest gisa hizkuntza-ohiturak aldatu eta euskararen erabilera bultzatzea helburu duen ariketa sozialean. Dena den, oraindik ere izen-ematea zabalik egongo da azaroaren 24a bitartean.

Bigarren Euskaraldi honetan, gainera, milaka entitatek sortu dituzten ariguneak ere izango dira, euskaraz lasai aritzeko guneak.  

Jakina denez, Euskaraldia baldintza berezietan egingo da aurten, COVID-19aren eraginez; baina, antolatzaileek azpimarratu dutenez, hurbileko harreman-sareetan hizkuntza-ohiturak aldatzeko aukera dago, eta Euskaraldia sare horietan zentratuko da.

Irailaren 24tik, guztira 147.000 lagunek eman dute izena Euskaraldian, % 79k ahobizi modura eta % 21ek belarriprest rolean. Azaroaren 24ra arte egongo da zabalik, dena dela, izena emateko epea euskaraldia.eus webgunean.

% 63, emakumeak

Lurraldez lurralde, orain arte izena eman duten herritarren % 9 Arabakoak dira, % 33 Bizkaikoak, % 44 Gipuzkoakoak, % 12 Nafarroakoak eta % 2 Ipar Euskal Herrikoak. Aurten, gainera, Euskal Herritik kanpo bizi diren ehunka lagunek ere eman dute izena.

Partaideen ezaugarriei dagokienez, izena eman dutenen % 63 emakumezkoak direla azpimarratu dute, eta parte-hartzaile guztien % 27k ez zuten aurreko edizioan izena eman.

Aurtengoan, era guztietako 6.800 entitatek 25.000 arigunetik gora sortu dituzte, euskara erabiltzeko babestutako guneak.

BIDEOA | Hasi da Euskaraldia!

Hasi da Euskaraldia!
Hasi da Euskaraldia!
Hasi da Euskaraldia!

0:58
Hau zure interesekoa bada, baliteke beste gai hauek ere izatea
Gizartea Eguneko albisteak Kultura Albisteak Euskaraldia