Gizartea -
Muturreko meteorologia
Abisu horia haizeagatik asteazkenerako eta ostegunerako EAEn
Herrizaingo Saileko Larrialdiei aurre egiteko eta Meteorologia Zuzendaritzaren arabera, litekeena da ageriko zonaldeetan haize-boladek 100 km/h-ko abiadura gainditzea.
Erredakzioa
Eusko Jaurlaritzako Herrizaingo Saileko Larrialdiei aurre egiteko eta Meteorologia Zuzendaritzak abisu horia ezarri du gurean asteazkenerako, azaroak 2, eta ostegunerako, azaroak 3, hegoaldeko haize-bolada gogorrak izateko arriskua dela eta.
Horrela, baliteke ageriko zonaldeetan 100 km/h-rainoko haize-ufadak egotea, mendiko zonaldeetan bereziki; ez ageriko zonaldeetan, berriz, 80 km/h-rainoko haize-boladak espero dira. Astearterako abisua egun osorako mantendu dute; asteazkenean, ordea, abisua 00:00etatik 09:00ak arte iraungo du.
Euskalmet Euskal Meteorologia Agentziaren iragarpenaren arabera, astelehen honetan eguzkia izango dugu protagonista. Gainera, 24º-rainoko temperatura maximoak izango ditugu. Asteartetik aurrera egun hodeitsuagoak etorriko zaizkigu. Joerak dioenez, asteburuaren hasierarako euria izango dugu hizpide.
