Gizartea -
Bederatzi lagun atera dituzte
Gas leherketa batek eragindako suteengatik etxeetatik at Kastejonen
Hutsik zegoen etxe bateko gas leherketa batek sute bat eragin du Kastejone (Nafarroa).
Erredakzioa
Sutea etxe huts batean gertatu da, lehen ikerketen arabera, gas leherketa baten ondorioz, Nafarroako Kastejon herrian. Bederatzi lagun euren etxeetatik atera behar izan dituzte sutearen ondorioz.
Tuterako suhiltzaileek esan dutenez, hutsik zegoen etxebizitza batean hasi dira sugarrak eta ondoko etxera hedatu dira.
Istripua atzoko gaueko 22.00ak aldera hasi zen eta suhiltzaileak bertan egon dira eragindako kalteak konpontzen.
Nafarroako gobernuko iturriek esan dutenez, ez da inor zauritu.