Gizartea -
Tren zerbitzua geldituta
EuskoTrenek autobusak jarri ditu Aia/Orio-Donostia arteko zerbitzurako
Euriteek tren zerbitzua etetea eragin dute Usurbil parean eta EuskoTrenek autobusak ipini ditu.
Erredakzioa
Zumaia eta Donostia arteko tren zerbitzua moztuta gelditu da Usurbilen Gipuzkoako azken orduetako euriteengatik. Ondorioz, Aia/Orio eta Donostia artean autobus zerbitzua jarri du enpresak ohar baten bidez jakinarazi duenez.
Euriteek Oria ibaiak gainezka egitea eragin dute eta EuskoTreneko Usurbileko geltoki ingurua kaltetuta dago.
Mozketak soilik Zumaia eta Donostia arteko zerbitzuari eragiten dio. "Topoko" zerbitzuan, Lasarte eta Hendaia bitartean normaltasuna da nagusi.
