Gizartea -
Bartzelonan
Autoa eta barruko lau lagunak itsasora bota ditu gidari mozkor batek
Gidaria atxilotu egin dute eta odolean 0,63 miligramo alkohol atzeman dizkiote. Autoa nahita bota du itsasora barruan zeramatzan lagunekin eztabaidan egin ondoren.
Erredakzioa
Esquadrako Mossoek auto gidari bat atxilotu dute autoa eta barruan zihoazen lau lagunak nahita itsasora botatzeagatik. Gertaera Bartzelonako Portu Olinpikoan izan da, Moll de la Marina izeneko gunean, igandeko 05:30ak aldera.
Poliziako iturriek Europa Pressi emandako informazioaren arabera, gidariari 0,63 miligramo alkohol atzeman dizkiote odolean. Autoa nahita bota du uretara barruan zeramatzan lagunekin eztabaidan aritu ondoren.
Guztiak euren kabuz atera dira autorik eta ez da zauriturik izan. Autoak uretan jarraitzen du eta, Mossoen arabera, astelehenean aterako dute.