Gipuzkoako Udalek euriteak jasan dituzten pertsonei informatuko diete

Gipuzkoako euri denboraleak ondorioak izan dituen herrietan informazio bulegoak jarriko dituzte, kalteak izan dituzten bizilagunei seguruen aurrean aurkeztu beharreko izapideak bideratzeko, eta galdutako gauzen inguruan informazioa biltzeko.

Rodolfo Ares Herrizaingo sailburua denboraleak ondorioak izandako herrietako hainbat ordezkarirekin bildu da ordubetez, Donostiako Eusko Jaurlaritzaren egoitzan, baita Gipuzkoako Aldundiarekin ere.

Aresek azaldu duenez, bileraren helburua "erakunde guztien artean herritarrentzako informazio kudeatzea" izan da, "segurura eta partzuergora eraman beharreko dokumentazio guztiaren izapideak egin ahal izateko".