Gizartea -
Lan istripua Berriobeitin
Suhiltzaile bat larriki zauritu da, kamioi batetik jausi ondoren
Ezbeharra Berriobeitin jazo da; larri eraman dute ospitalera, kamioitik jausi eta hainbat kolpe jaso baititu.
Erredakzioa
Auritzeko suhiltzaile parkeko kide bat larri zauritu da, Lotza Berriobeitiko auzoan gertaturiko lan istripu batean. Ezbeharra kamioitik jausi denean izan da, Iruñera zihoala.
Foru Gobernutik azaldu dutenez, gertakaria 13:48an izan da, suhiltzaileak praktika batzuetan erabilitako materiala Nafarroako hiriburura eramaten ari ziren bitartean.
Oraindik nola ez dakitela, suhiltzailea ibilgailutik jausi da eta hainbat kolpe jaso ditu; horren ondorioz, Nafarroako Ospitale Gunera eraman dute, larri.
Hau zure interesekoa bada, baliteke beste gai hauek ere izatea