Gizartea -
Sare sozialak
EITB Tuentin: Vaya Semanita, El Conquistador, Gaztea... eta gehiago
Euskal gaztediaren gustuak aztertuta, EITBn arrakasta gehien duten saioek leiho berria ireki dute harremanak eta komunikazioa errazteko helburuz.
Erredakzioa
Hala, Gaztea markari jarraiki,Top Gaztea eta Dida Gaztea jaio dira Tuentin. Top Gaztea Oihan Vega irrati esatariak gidatzen du astebururo eta entzuleen botoekin, abestirik arrakastatsuenak aukeratzen ditu. Zerrenda ikusgai eta entzugai izaten da aste guztian Gaztearen webgunean eta entzuleen botoekin berritzen dalarunbatero.
Dida Gaztea, berriz, Joxeina Etxeberriak, Edurne Garmendiak, Ainhoa Vitoriak eta Jon Gotzonek egiten dute egunero-egunero goizean goiz. Irrati programa ezagunak lipdub lehiaketa arrakastatsua dauka une honetan martxan eta urte osoan zehar beste hamaika ekimen, zozketa etab. egiten dituzte.
Telebistako saioak
Irrati saioez gain, telebistako programak ere agertu dira Tuentiko erakusleihora. Batetik, hor da Vaya Semanitaren orri ofiziala, ia 13.000 lagun dituen topagunea.
El Conquistador orria ere sortu da Tuentin eta erabiltzaileek abenturazko erreality horren bideoak, aurrerapenak eta bestelako albiste guztiak jarraitu ahal izango dituzte bertan.
Bestetik, ETBn bizitza luzeena daraman saioak ere, Goenkalek, estreinatu du orria. Arraldeko biztanleek istorioak ezagutzeko eta gertakizun guztiak aztertzeko parada ematendu txoko honek..
Eta azkenik, lehiaketak gustuko dituztenek ere hor dute Mihiluzeren orri ofiziala Tuentin. Norbere burua proban jarri nahi dutenek erronka ezberdinak aurkituko dituzten bertan; bideorik ikusgarrienekin batera: zakuak etab.
Sartu Tuentin eta jarraitu gustuko dituzuen saioak!