Hirietako trafikoa murriztu egin da EAEko hiru hiriburuetan

Hirietako trafikoak behera egin du astelehen honetan, urtarrilak 4. Zehazki, % 11,8 jaitsi da Bilbon, % 22,7 Donostian eta % 35,4 Gasteizen, 2020ko egun berarekin alderatuta, Eusko Jaurlaritzako Segurtasun Sailak covid-19aren bigarren olatuari buruzko txostenean jasotako datuen arabera.

Bestalde, EAEko errepideetako ibilbide luzeko trafikoa % 29,6 jaitsi da, ibilgailu arinetan % 24,6 jaitsi baita eta astunetan % 39,2.

Halaber, mugaz gaindiko mugikortasuna % 19,9 jaitsi dela adierazi dute, ibilgailu arinen kasuan % 38,3 murriztu baita, eta % 17,4 igo ibilgailu astunen kasuan.