6 zaurituak Gurutzetako, Galdakaoko eta Basurtoko ospitalean daude

Bilboko Zabalbide kalean izan den erasoko sei zaurituak Gurutzetako, Galdakaoko eta Basurtoko ospitaleetara eraman dituzte, bi zentro bakoitzera, Osakidetzatik jakitera eman dutenez. Galdakaon zeuden zaurituak etxera bidali dituzte.

Hain zuzen ere, zaurituak 47, 30 eta 20 urteko hiru emakume eta 53, 28 eta 21 urteko hiru gizon dira.

Gertakizuna astelehen honetako 09:30ean izan da, Zabalbideko geltokiaren (Santutxu) sarreran, Bilbon. Gizonezko bat hainbat pertsonari erasotzen hasi da, baina oraindik ez dute zergatik izan den esan.

Ondorioz, pertsona bat hil, eta beste sei zauritu dira. Ustezko erasotzailea momentuan atxilotu dute gertakizuna izan den lekura bertaratutako ertzainek; orain Ertzaintzaren esku dago. Halaber, gertakizunak argitzeko ikerketa bat ireki dute.