Gizartea -

Prebentzio-neurriak

Herritarren % 99k musukoa erabiltzen du egunerokoan

% 6k aldi bakarreko musuko bera erabiltzen du egunero; eta % 9k astean behin bakarrik aldatzeko ohitura du, osasun-gomendioei muzin eginez.

Inkesttauen % 94k gel hidroalkoholikoa erabiltzen du eskuak desinfektatzeko. Argazkia: Artxiboa.
Prebentzio-neurriak
Inkesttauen % 94k gel hidroalkoholikoa erabiltzen du eskuak desinfektatzeko. Argazkia: Artxiboa.

Eitb media

Whatsapp Facebook Twitter Telegram Email

Herritarren % 99k musukoa erabiltzen du egunerokoan, koronabirusaren ondorioei buruz Ikerketa Soziologikoen Espainiako Zentroaren (CIS) abenduko barometroak egin duen azterlanaren hirugarren atalaren arabera.

Ikerketa abenduan burutu zuten, 2.084 pertsonekin.

Pertsona horien % 6ak berriro erabili daitezkeen musukoak erabiltzen ditu, beti bera erabiltzen du. Bestetik, ia % 20k adierazi du astean zehar bederatzi musuko baino gehiago erabiltzen dituela.

Aitzitik, eta osasun gomendioei muzin eginez, %6k aldi bakarreko musuko (kirurgikoa) bera erabiltzen du egunero, eta % 9k astean behin bakarrik aldatzen du.

Musukoaren erabilera-denborari dagokionez, inkestatuen gehiengoak (% 20) adierazi du bizpahiru orduz erabiltzen dituela, leku publikoetan edo lanean, batik bat. Ostera, % 8k 10 orduz edo gehiagoz erabiltzen du aldi bakarreko musuko bakarra.

Beste alde batetik, inkestak aditzera eman du % 94k gel hidroalkoholikoa erabiltzen duela eskuak desinfektatzeko, prebentzio-neurri gisa.

Halaber, % 95ek baieztatu du osasun-agintariek gomendatutako segurtasun-distantzia mantentzen duela, eta eskuak maiz garbitzen dituela etxean edota beste lekuetan sartu edota irteterakoan.

Hau zure interesekoa bada, baliteke beste gai hauek ere izatea
Osakidetza Gaixotasunak Gizartea Eguneko albisteak Albisteak Zientzia Osasun albisteak Medikuak Basurtuko ospitalea Gurutzetako ospitalea Erizaintza Sendagaiak Txertoak Donostia Ospitalea Txagorritxu Ospitalea Nafarroako Ospitale Gunea Koronabirusa Galdakao-Usansolo Ospitalea Anbulatorioak Osasunbidea