EAE, Lanbide Heziketako tituludunentzako lan eskaintzetan bigarrena

Euskadi da, Kataluniaren atzetik, Lanbide Heziketako titulua dutenentzat lan eskaintza gehien dituen erkidegoa. Zehazki, EAEk Estatu osoan Lanbide Heziketako tituludunentzat egiten diren lan eskaintzen % 15,03 biltzen ditu, aurreko urtean baino 1,28 puntu gehiago.

Euskadirekin batera, Kataluniak (Estatuko lan eskaintzen % 16,07) eta Madrilek (% 14,85) osatzen dute zerrendaren buruan dagoen hirukotea, eta agerian uzten dute lan eskaintza hauetan kontzentrazio maila handia dagoela, hiru erkidego horiek eskaintza guztien erdiak baino gehiago biltzen baitituzte.

LHko lan-eskaintzen banaketari begira ikus daitekeenez, elektronikak zerrendako lehen postua kendu dio makineriari: % 9,29 eta % 9,09 hurrenez hurren. Industria adarreko eskaintzak dira zerrenda horretan hirugarren postuan daudenak (% 8,30), eta horien ostean automobilgintza (% 6,87) eta mantentze lanen sektorea (% 6,24).

Lanpostu zehatzen zerrendan, mantentze teknikariaren postua da gehien eskatzen dena: % 19,17. Honen ostean administratiboak (% 7,97), komertzialak (% 7,68) eta langile espezializatuak (% 6,60) daude.

Horrez gain, langileen eskariak % 57,45 gora egin duela nabarmendu du ikerketa horrek. Agintari, zuzendari eta, batez ere, teknikariek eskariak, berriz, nabarmen egin du behera.