Gizartea -

KORONABIRUSA

Liaño: "Egoitza-agerraldiak txostenerako balioko balu, Muskiz gune gorrian legoke"

Borja Liaño Muskizko alkatea "kezkatuta eta aztoratuta" agertu da herriko zaharren egoitza batean positiboek gora egin dutelako: "Astebetean bi positibo izatetik 108 izatera igaro da".

Muskizko Marcelo Gangoiti egoitza. Argazkia: EITB MEDIA
Muskizko Marcelo Gangoiti egoitza
Muskizko Marcelo Gangoiti egoitza. Argazkia: EITB MEDIA

EITB MEDIA

Whatsapp Facebook Twitter Telegram Email

Muskizko Marcelo Gangoiti egoitzako erabiltzaile ia guztiak kutsatuta daude: 122 egoiliarren 93, hain zuzen. Horiez gain, 20 langilek ere eman dute positibo.

Borja Liaño Muskizko alkateak jakitera eman duenez, aste honen amaieran eta hurrengoan zuten aurreikusita egoiliarrek txertoa hartzea, baina orain ez dakite albiste horrek txertaketari nola eragingo dion.

Enpresak eta Udalak "ez dakigu zergatik gertatu den; izan ere, barne egoitza bat da eta egoiliarrak ez dira kanpora ateratzen".

Radio Euskadiko "Boulevard Informativo" saioan azaldu duenez, baheketa bat egin zuten "urtarrilaren 5ean eta bi positibo atzeman zituzten". Astebete geroago, baina, koronabirusa atzemateko probak egin eta 108 positibo atzeman dituzte. Horren esanetan, "ezusteko larria izan da", baina positibo guztiak "sintomarik gabekoak dira eta ondo daude".

Muskiz gune horian dago gaur egun, baina "bizitegi-agerraldiak txosten epidemiologikoetarako balioko balu, gune gorrira igaroko ginateke". Neurriak handitzeko aukerari buruz galdetuta, Muskizko alkateak esan du "agerraldia egoitza-agerraldi gisa" hartu duela Osakidetzak, eta ez dutela uste "udal mailan fokurik egon daitekeenik", baina ez du ezkutatu "horrek herriko eguneroko bizitzan izan dezakeen eraginari buruzko kezka".

"Kezkaz" gain, "nahasmena" ere badagoela esan du, "arraroa ematen baitu". Alkateak eskaria egin dio Osakidetzari, "10-15 pertsonari PCR probak berriro egiteko, positibo faltsuak dauden ikusteko".

Oraingoz, "baheketa masiboa egiteko baldintzak ez dira betetzen", baina, beharrezkoa bada, "Jaurlaritzak egingo du".

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn eta Nafarroan. Iparraldean, espazio publiko itxietan, garraio publikoan eta udalerri eta hiri nagusietan da derrigorrezkoa.

Hau zure interesekoa bada, baliteke beste gai hauek ere izatea
Osakidetza berriak Zer gertatu da gaur Bizkaian? Gaixotasunak Muskiz argazkiak Gizartea albisteak Gaurko titularrak Albisteak Zientzia albisteak Osasunari buruzko albisteak Sendagileen albisteak Egoitza geriatrikoak Basurtuko ospitalea albisteak Gurutzetako Ospitalea albisteak Erizaintza albisteak Botikak albisteak Txertoak azken ordukoa Donostia Ospitalea Txagorritxu Ospitalea Nafarroako Ospitale Gunea albisteak Koronabirusaren Eris aldaera gaur Galdakao-Usansolo Ospitalea Osasun zentroak gaur Nafarroako Osasun Zerbitzua