Gizartea -
Ipar Euskal Herria
Aske utzi dute Baionan tiroz emakume bat hil zuen polizia
Agente horren abokatuak epailearen erabakiari buruz esan du argi geratu dela lankidearen defentsan egin zuela tiro.
L.Z. | EITB MEDIA
Asteazken honetan, aske utzi dute Baionan igande gauean emakume bat hil zuen polizia. Gaur arratsaldean amaitu dute galdeketa, eta baldintzarik gabe aske uztea erabaki dute. Haren abokatuak epailearen erabakiari buruz esan du argi geratu dela lankidearen defentsan egin zuela tiro.
Fiskaltzak azaldu zuenez, poliziak autoa gelditzeko eskatu zion 37 urteko emakumeari, Baionako Marechal-Soult etorbidean, baina agindua bete beharrean, gidatzen ari zen ibilgailua Poliziaren autoaren aurka jo zuen. Horren aurrean, polizietako batek tiro egin zion. Kontakizun horretan oinarrituta, arma modu egokian erabili zuela ondorioztatu du epaileak.
Polizia judizialak bi ikerketa abiatu zituen: bata polizia agenteen kontrako hilketa saiakeragatik eta bestea "aginte publikoa duen norbaitek egindako hilketa saiakeragatik".
