Gizartea -
Sutea
Sute batek autokarabana bat erre du Hondarribian
Herrizaingo Saila sutearen nondik norakoak ikertzen ari da. Suteak ez du eraginik izan alboko etxeetan eta ez dituzte eraikinak hustu izan behar.
Erredakzioa
Sute batek autokarabana bat erabat erre du eta kalteak eragin dizkie bi ibilgailuri, Hondarribian, Herrizaingo Sailak eta Gipuzkoako suhiltzaileek jakinarazi dutenez.
Lehen ikerketen arabera, sutea 17:40 aldera piztu da autokarabanaren alboan zeuden hesi batzuetan, Juan Ignacio Iztueta kalean.
Suteak autokarabana erabat erre du eta BMW eta Mazda ibilgailuei kalteak eragin dizkie.
Gipuzkoako suhiltzaileak amatatze lanetan izan dira. Suteak ez du eraginik izan alboko etxeetan eta ez dituzte eraikinak hustu izan behar.
Herrizaingo Saila sutearen nondik norakoak ikertzen ari da.