Gizartea -

KORONABIRUSA

Udaltzaingoak kale-edanean ari ziren bi talde eta jai bat desegin ditu, Tuteran

Guztira, 11 pertsona zigortu dituzte kalean edateagatik. Gainera, festa jendetsu bat egiten ari ziren landa eremu bateko jabeak identifikatu dituzte.

O. A. | EITB MEDIA

Whatsapp Facebook Twitter Telegram Email

Atzo, Tuterako Udaltzaingoak hainbat salaketa jarri zituen koronabirusagatik ezarritako osasun neurriak ez betetzeagatik. Zehazki, kale-edanean ari ziren bi talde eta landa eremu batean egiten ari ziren festa jendetsu bat desegin zituen.

Kale-zurrutean ari zen talde bat desegin zuten atzo parke batean, 15:20 aldera. Auzokide batek deitu zien udaltzainei hainbat pertsona kalean edaten ari zirela ohartaraziz.

Edaria konfiskatu ez ezik, bost pertsonari isuna ezarri zieten.

Horrez gain, Las Claras inguruan kalean edaten ari zen talde bat desegin zuten. Gainera, musukorik gabe zeuden. Kasu horretan, sei pertsonari ezarri zieten isuna.

Iluntzean, udaltzainek landa eremu bateko etxebizitza bat jendez hustu zuten, Cabanillaserako errepidearen ondoan, festa bat ospatzen ari zirelako.

Udaltzainek jabeak identifikatu zituzten, eta zigorra ezarri zieten antolatzaile gisa "arau-hauste oso larria" egotzita.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn eta Nafarroan. Iparraldean, espazio publiko itxietan, garraio publikoan eta udalerri eta hiri nagusietan da derrigorrezkoa.

Hau zure interesekoa bada, baliteke beste gai hauek ere izatea
Nafarroako albisteak Tutera bideoak Gaixotasunak Gizartea bideoak Gaurko titularrak Albisteak Zientzia albisteak Osasun albisteak gaur Medikuen albisteak Erizainak azken ordukoa Sendagaiak albisteak Txertoak Nafarroako Ospitale Gunea azken ordukoa Koronabirus-agerraldiak Anbulatorioak albisteak Osasunbidea