Gizartea -
Ez da inor zauritu
Sute batek Barakaldoko salesianoen eskolan kalteak eragin ditu
Ez dago argi zergatik piztu den sutea, baina eskola barruan egin den lapurretarekin lotuta egon daiteke.
Erredakzioa
Barakaldoko Burtzeña auzoko salesianoen eskolan sute bat piztu da gaur goizean Ertzaintzak jakitera eman duenez.
Goizeko 06.45ak inguruan piztu da sua eskolako biltegian eta bertatik beste gela batzuetara hedatu da. Ez dakite oraindik zergatik gertatu den, baina eraikinaren barruan egin den lapurretarekin lotuta egon daitekeela uste dute.
Trapagaraneko suhiltzaileek itzali dute sua eta ez da inor zauritu. Eskola ez da hautesleku moduan erabiltzen eta soilik bertan zeuden salesianoak atera dituzte.
Hau zure interesekoa bada, baliteke beste gai hauek ere izatea