Gizartea -

DESAGERTZEA

Hondarribian itsasora eroritako arrantzalea bilatzeko lanak, bertan behera

Antza denez, olatu kolpe batek eraman zuen arroketan zegoen arrantzalea. Ostegunean desagertu zen eta oraindik ez dute topatu.

Helikoptero bat, Hondarribiko kostaldea arakatzen. EiTBren bideo batetik ateratako irudia
Helikoptero bat, Hondarribiko kostaldea arakatzen
Helikoptero bat, Hondarribiko kostaldea arakatzen. EiTBren bideo batetik ateratako irudia

EITB MEDIA | AGENTZIAK

Whatsapp Facebook Twitter Telegram Email

Joan den ostegunean olatu kolpe batek itsasora bota zuen arrantzalea bilatzeko lanak bertan behera utzi dira Hondarribian, argi faltagatik. Ertzaintzaren Zaintza eta Erreskate Unitateko, Itsas Salbamenduko eta Gurutze Gorriko kideak goizean goizetik aritu dira haren bila.

Eusko Jaurlaritzaren Segurtasun Sailak jakinarazi duenez, atzo 14:45ak aldera jaso zuten lekuko baten telefono deia gertakariaren berri emanez. Olatu batek Hondarribiko itsaslabarretan arrantzan ari zen gizon bat eraman zuela eta uretan desagertu zela ohartarazi zuen.

Larrialdietarako zerbitzuak martxan jarri ziren, eta inguruetan bila aritu ziren: itsasotik, baita airetik ere, helikopteroz. Oraingoz, baina, ez dute gizonaren arrastorik topatu.

Eguraldia eta itsasoko baldintzak egokiak badira, larunbat honetan berriro ekingo diote bilaketari.

Hau zure interesekoa bada, baliteke beste gai hauek ere izatea
Ertzaintza Albisteak Gipuzkoa Euskal Autonomia Erkidegoa Hondarribia albisteak Gizartea albisteak Prentsa digitalaren azken orduko Eguneko albisteak Desagertutako pertsonak Euskadiko kostaldea albisteak