Zorrak ordaintzeko amaren txeke bat erabiltzearren kondenatuta

Bere amaren sinadura faltsututa 12.000 euroko zorra ordaindu nahi zuen emakumeak urte erdiko kartzela zigorra eta 540 euroko isuna jaso du merkataritza-dokumentuan faltsukeria delitua egotzita.

Kasuaren sententziaren arabera, gertakaria 2007ko urtarrilaren 18an izan zen, prozesatuak bankuko taloi faltsua sinatu eta urtebete lehenago mailegu bat egin zion emakumeari eman zionean. Dena dela, emakumeak ezin izan zuen txekea kobratu,  kontu korronteak ez zuelako mailegua ordaintzeko behar besteko dirurik. Gauzak horrela, Zumaiako banku batean zabaldutako kontu korronte horrek iruzurra agerian utzi zuen.

Epaiketan zehar, akusatua Fiskaltzak ezarri nahi dion zigorrarekin ados egon da uneoro. Horren ondorioz, urte erdiko kartzela zigorra eta 540 euroko isuna ordaindu beharko ditu.