Sei auto kaltetuta tren bagoi batean gertatutako suteagatik

Nafarroako Gobernuak azaldu duenez, sei autok kalteak izan dituzte Iruñean, tren bagoi batek sua hartuta. Iruñeko Udalak azaldu duenez, erretako autoak Volkswagen enpresakoak dira, eta Udaltzainek hartuko dute gertakaria ikertzeko ardura.

Abisua 13:48an jaso da, autoak garraiatzen dituen bagoi bat erretzen ari zela azalduz. Sutea Sanduzelai eta Landabeneko poligonoen inguruan geldirik zegoen bagoi batean hasi dela informatu dute.

Bertara, Cordovilla eta Trinitarioseko parke zentraleko suhiltzaileak hurbildu dira, eta dagoeneko sutea kontrolatzea lortu dute, nahiz eta oraindik bertan egon azken garrak itzali arte.

Garrek bagoiaren goiko eta beheko partean zeuden hiru autoei eragin dizkiete kalteak.