Gizartea -

KORONABIRUSA

Udaltzaingoak 155 zehapen jarri ditu asteburuan Getxon

Bost espediente ireki zizkieten, larunbatean, kirol-portuan atrakatutako itsasontzi batean festan ari zirenei.

Getxo. Argazkia: Juan Luis Albaizar.
Getxo.
Getxo. Argazkia: Juan Luis Albaizar.

EITB MEDIA

Whatsapp Facebook Twitter Telegram Email

Getxoko Udaltzaingoak 155 zigor proposamen jarri ditu asteburuan, covid-19aren aurkako araudia ez betetzeagatik, eta bost espediente ireki ditu, kirol-portuan porturatutako itsasontzi batean festan aritzeagatik.

Udalak azaldu duenez, arau-hausterik ohikoenak etxeratze-agindua ez errespetatzeagatik (39), lau pertsonako taldeak gainditzeagatik (35) eta kalean edari alkoholdunak kontsumitzeagatik (28) izan dira.

Jarduketa gehienak larunbatean egin ziren, 90 espediente bideratu baitzituzten, horien artean bost kirol-portuan zegoen itsasontzi batean antolatutako festa batengatik.

Udaltzaingoak, Ertzaintzarekin elkarlanean, dispositibo berezi bat izan du asteburuan, Algortako inauteriak ospatzen diren asteburuan, hain zuzen.

Beste arau-hauste batzuk

Bestalde, pertsona bat atxilotu dute Algortako etorbidetik zihoan ibilgailu baten aurrean jarri, hainbat ostikada eman eta gidariarekin borrokatzeagatik. Halaber, hiru gidari salatu dituzte baimendutako alkohol-tasa gainditzeagatik.

 

Hau zure interesekoa bada, baliteke beste gai hauek ere izatea
Getxo Bizkaia Euskal Autonomia Erkidegoa Delituak Salaketak Gizartea Eguneko albisteak Albisteak Jaiak Koronabirusa Isunak