Itxi

Gizartea

Koronabirusa

Espainiako Gobernuak eta erkidegoek adostu egingo dituzte Aste Santurako murrizketak

agentziak | eitb media

Osasun ministroak aitortu du "gehiegi erlaxatzeagatik" kasuen "gorakada" gertatu izan dela, Gabonetan, besteak beste.

  • Bilboko Guggenheim Museoa. Argazkia: Efe

    Bilboko Guggenheim Museoa. Argazkia: Efe

Espainiako Osasun Ministerioa eta erkidegoak ados jarri dira, eta Osasun Publikoaren Batzordeari eskatu diote Aste Santuan pandemiari aurre egiteko neurriak jasotzen dituen dokumentu bat osa dezan, Carolina Darias Osasun ministroak jakinarazi duenez.

"Koordinatuta ari gara lanean Osasun Publikoaren Batzordearekin dokumentu bat osatzeko, eta dokumentu hori datozen asteetan Lurralde Arteko Kontseilura eramateko, bertan adosteko, Aste Santuan zer egin eta zer ez egin jakite aldera", azaldu du ministroak Osasunaren Sistema Nazionaleko Lurralde Arteko Kontseiluaren batzarraren ostean.

Dariasek berak adierazi duenez, Lurralde Arteko Kontseiluan adostasun zabala egon da data horietarako neurriak zehazteko eta covid-19aren kasuen beherakadari eusteko.

Ministroak esan du gaurko batzarrean eta aurrekoan adostu dutela Osasun Publikoaren Batzordeari dokumentu bat eskatzea Aste Santuari begira murrizketen proposamenak jasotzen dituena.

Testuinguru horretan, Dariasek aitortu du "gehiegi erlaxatzeagatik" kasuen "gorakada" gertatu izan dela, Gabonetan, besteak beste.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.
  • Bisitatuena

      Kargatzen ikusiena
      Kargatzen ikusiena