Gizartea -
GERTAKARIAK
Gizon bat zigortu dute Tuteran, aizto handi batekin paseatzeagatik
Gizonak sukaldeko aizto bat zeraman praketako zangoan ezkutatuta, eta agenteek konfiskatu egin zioten.
EITB MEDIA
Tuterako Udaltzaingoak aizto handi bat zeramala kaletik zihoan gizon bat zigortu du asteazken honetan.
Jakinarazi dutenez, herritar batek eman zien abisua agenteei, eta pertsona hori Hiru Kulturen biribilgunean aurkitu zuten, 17:30 aldera.
Gizonak praketako zangoan ezkutatuta zeraman aiztoa konfiskatu ondoren, Poliziak Herritarren Segurtasunerako Lege Organikoan oinarrituta zigortu zuen. Horrez gain, bizikleta bat ere atzeman zioten, "ez zuelako azalpen sinesgarririk eman" horren jatorriari buruz.
Hau zure interesekoa bada, baliteke beste gai hauek ere izatea