Hainbat ekintza larunbatean Bilbon, Pertsona Urrituen Eguna dela eta

Larunbatean, abenduak 3, Pertsona Urrituen Nazioarteko Eguna egingo dute Bilbon, eta bertan sentsibilizaziorako eta aldarrikatzeko ekimenak izango dira Areatzean. Urritasun fisiko eta organikoa duten pertsonen koordinakundeak antolatu ditu ekimenak, eta aurtengo edizioko lehen ekitaldia 10:30ean hasiko da.

Aurten, "pertsona guztiek aukera eta eskubide berberekin parte hartu ahal dezaketen gizartea" lortzea dute helburu, eta horretarako " gizarteratzea, bizitza burujabea eta parte hartzea" planteatu dute.  Ikuspuntu positibo honek gure gizartean dagoen aniztasuna islatu nahi du, "elbarritasuna mundu honen aniztasunean parte hartzen dugunon balore bat bihurtuz"

FEKOOR SARIAK 2011

Aurtengo edizioko ekintzak 10:30ean hasiko dira, "sarbide errazeko aisialdiaren ibilbidearekin". Ibilbide hori Bilboko Zazpikaleetan sarbide errazak dituzten establezimenduak identifikatuz eta beren konpromisoa eskertuz egingo dute.

12:00etan ekitaldi instituzionala eta Fekoor 2011 Sarien banaketa egingo da. Ospakizun horretan Bizkaiko Aldundiko Gizarte Laguntza diputatuak, Eduardo Maiz Bilboko Gizarte Laguntzako zinegotziak eta alderdi guztietako, enpresa munduko eta gizarte erakundeetako ordezkariek hartuko dute parte.