Gizartea -
EMAKUMEEN KONTRAKO INDARKERIA
Bikotekideei eraso egiteagatik bi atxilotu Bizkaian
Ertzaintzak bi gizonezko atxilotu ditu asteburuan bikotekideei eraso egin eta indarkeria matxista delitua leporatuta.
Erredakzioa
Bi gizon atxilotu ditu asteburuan Ertzaintzak indarkeria matxista dela eta. Lehen atxiloketa Bilboko Irala auzoko etxebizitza batean egin dute. Erasoa larunbatean gertatu zen, 27 urteko gizon batek bere bikotekidea iraindu eta bultzatzeagatik. Atxilotuak gainera aurrekariak ditu indarkeria matxistagatik.
Bigarren atxiloketa Getxon izan da, larunbatean, arratsaldeko zortziak aldera. Bertako kafetegi batean gertatu zen erasoa. 46 urteko gizonak bikotekideari iletik heldu eta ondoren eraso egin zion. Bertan zeuden hainbat bezerok gizona hartu zuten Ertzaintzak atxilotu zuen arte.
Indarkeria matxistaren biktima diren emakumeentzako arreta zerbitzua:
900 840 111 - 016
