Publizitatea
Itxi

2021/03/14

13:26

Gizartea

ISTRIPUA

53 urteko arbizuar bat hil da, auto batek harrapatuta Etxarri Aranatzen

EITB Media

Fran Balda da istripuan hil den gizonezkoa, Nafarroako ezker abertzaleko kide ezaguna eta Sare presoen eskubideen aldeko palataformak Foru Erkidegoan duen arduraduna.

  • Etxarri Aranatz

    Etxarri Aranatz, atzo. Argazkia: Foruzaingoa.

  • Whatsapp
  • Whatsapp
  • Telegram
  • Bidali

Arbizuko 53 urteko bizilagun bat hil zen atzo iluntzean, oinez zihoala auto batek harrapatuta, Etxarri Aranatzen.

Foruzaingoak emandako informazioaren arabera, 22:30ean izan zen ezbeharra, NA-2410 errepidean. Antza, hasiera batean, autoaren gidariak ihes egin zuen, baina handik gutxira istripua jazotako tokira itzuli zen. Ikerketa zabaldu du Foruzaingoak, gertatutakoa argitzeko.

Fran Balda da istripuan hil den gizonezkoa, Nafarroako ezker abertzaleko kide ezaguna eta Sare presoen eskubideen aldeko palataformak Foru Erkidegoan duen arduraduna. Baldaren heriotzak samin handia eragin du ezker abertzalean eta dolumin mezu ugari argitaratu dira sare sozialetan:

Bestalde, atzo arratsaldean, 48 urteko donostiar bat hil zen moto istripu batean Mendaron. Urtea hasi zenetik, EAEn hil den seigarren motor gidaria da.

  • Bisitatuena

      Kargatzen ikusiena
      Kargatzen ikusiena