Abisu horia ezarri dute izotzagatik EAE barnealdean, iganderako

Eusko Jaurlaritzako Segurtasun Sailak abisu horia ezarri du igande honetarako, martxok 21, barnealdean izotza egingo duelako, ekialdean bereziki.

Gaur gaueko 24:00etatik igandeko 10:00etara egongo da indarrean neurria, Segurtasun Sailak azaldu duenez. Era berean, 1.000 metrotik behera elurra egiteko arriskuagatik ezarritako abisu horia amaitutzat eman du.