Gizartea -

Alarma-egoera

Mugikortasuna ahalik eta gehien murrizteko enegarren deia egin du Eusko Jaurlaritzak

Gotzone Sagardui Osasun sailburuak pandemiaren bilakaera, astiro bada ere, goraka egiten ari dela ohartarazi du. "Ahalik eta gutxien mugitzeko beste arrazoi bat da hori", erantsi du.

Bingen Zupiria eta Gotzone Sagardui sailburuak. Argazkia: EFE
Bingen Zupiria eta Gotzone Sagardui sailburuak.
Bingen Zupiria eta Gotzone Sagardui sailburuak. Argazkia: EFE

EITB MEDIA | AGENTZIAK

Whatsapp Facebook Twitter Telegram Email

Autonomia erkidegoak itxita dauden bitartean, nazioarteko turistek Euskal Herrira etortzeko aukera dute, eta horrek eztabaida sortu du. Afera horri buruz galdetu diote gaur Bingen Zupiria Eusko Jaurlaritzako bozeramaileari, baina honek uko egin dio polemikan sartzeari.

Zupiriak gogora ekarri du Eusko Jaurlaritzak hainbat neurri hartu dituela koronabirusaren hedapena gelditzeko asmoz eta behin eta berriro ari dela eskatzen beharrezkoak ez diren joan-etorriak saihesteko.

Hala, Euskal Autonomia Erkidegoan "mugikortasunaren mapa" zein den eta herritarrek bete behar dituzten murrizketak zeintzuk diren "oso argi" zehaztuta daudela erantsi du.

Ildo berean, eta Realak eta Athleticek jokatuko duten Kopako finalari dagokionez, Zupiriak gogora ekarri du Eusko Jaurlaritza partida hori publikoarekin egitearen aurka agertu zela joan den astean.   

"Etxeratze-agindua indarrean dago; merkataritza, kultura eta kirol jarduera mugatuta daude; ostalaritzak murrizketak ditu; eta herritarrei erregutzen ari gara mugikortasuna saihestu dezaten", adierazi du.  

Bestalde, Gotzone Sagardui Osasun sailburuak ohartarazi du pandemiaren bilakaera goraka egiten ari dela Euskal Herrian, Estatuan eta Europan. "Ahalik eta gutxien mugitzeko beste arrazoi bat da hori", erantsi du.

Hau zure interesekoa bada, baliteke beste gai hauek ere izatea
Osakidetza Eusko Jaurlaritza Euskal Autonomia Erkidegoa Gaixotasunak Gizartea Eguneko albisteak Albisteak Zientzia Osasun albisteak Medikuak Basurtuko ospitalea Gurutzetako ospitalea Erizaintza Sendagaiak Txertoak Donostia Ospitalea Txagorritxu Ospitalea Nafarroako Ospitale Gunea Koronabirusa Galdakao-Usansolo Ospitalea Anbulatorioak Osasunbidea