Publizitatea
Itxi

2021/03/26

12:49

Gizartea

Koronabirusaren semaforoa

EAEk sei udalerri ditu gorrian, Ondarroa batu baita azken orduetan

E. G. | EITB MEDIA

Horrez gain, lau udalerri gehiago daude laranjaz margotuta: Gueñes eta Markina-Xemein, Bizkaian; eta Urretxu eta Zumarraga, Gipuzkoan. Gernika-Lumok ere okerrera egin du, eta udalerri hori da orain.

  • Eusko Jaurlaritzako Osasun Sailaren semaforoa

    Eusko Jaurlaritzako Osasun Sailaren semaforoa

  • Whatsapp
  • Whatsapp
  • Telegram
  • Bidali

Ondarroa udalerri gorri bihurtu da gaur, covid-19ak Euskadin herriz herri izan duen eragina neurtzen duen Eusko Jaurlaritzako Osasun Sailaren semaforoaren arabera. Horrenbestez, sei dira egoerarik latzenean dauden udalerriak EAEn: Ermua, Elorrio eta Ondarroa (Bizkaian), eta Beasain, Lazkao eta Ordizia (Gipuzkoan).

Arabako datuei dagokienez, ez dago udalerri gorririk. Gasteizek laranjan jarraitzen du, eta Agurain eta Amurrio horiz margotuta ageri dira. Ez dago udalerririk eremu berdean.

Bizkaian, Ermua eta Elorrio daude eremu gorrian, eta azken orduetan, Ondarroa batu zaie.

Gune laranjan, aldiz, hauek daude: Bilbo, Gueñes, Markina, Muskiz eta Santurtzi.

Horian, berriz, hauek daude: Abadiño, Abanto, Amorebieta-Etxano, Arrigorriaga, Balmaseda, Barakaldo, Basauri, Berango, Derio, Durango, Erandio, Etxebarri, Galdakao, Getxo, Gernika-Lumo, Gorliz, Leioa, Lekeitio, Mungia, Ortuella, Portugalete, Sestao, Sopela eta Trapagaran.

Zalla eta Bermeo eremu berdean daude.

Gipuzkoan, gune gorrian, astinduenean, Beasain, Lazkao eta Ordizia daude.

Eremu laranjan, berriz, Bergara eta Arrasatez gain, bi udalerri gehiago daude: Zumarraga eta Urretxu.

Gune horian, hauek ditugu: Andoain, Aretxabaleta, Azkoitia, Azpeitia, Deba, Donostia, Eibar, Elgoibar, Errenteria, Hernani, Hondarribia, Irun, Lasarte-Oria, Legazpi, Lezo, Mutriku, Oiartzun, Oñati, Orio, Pasaia, Tolosa, Urnieta, Usurbil, Villabona, Zarautz eta Zumaia.

Eremu berdean, azkenik, Astigarraga bakarrik dago.

Jaurlaritzak Europar Batasunak (EB) onartutako koloreen mapa egokitu du, eta azken 14 egunetan metatutako intzidentzia-tasaren arabera sailkatzen ditu EAEko udalerriak.

Zehazki, semaforo horrek kolore berdea, laranja, horia edo gorria erabiliz sailkatzen ditu 5.000 biztanletik gorako udalerriak, azken bi asteetan hautemandako koronabirus kasu berrien arabera. Zehazki, koloreak honela erabiltzen dira:

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu eta EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn eta Nafarroan. Iparraldean, "espazio publiko itxietan" da derrigorrezkoa, baita Lapurdiko herri eta hiri nagusietan ere.
  • Bisitatuena

      Kargatzen ikusiena
      Kargatzen ikusiena
    ;