Bi adin txikiko larri zauritu dira Buñuelen, motorrean zihoazela harrapatuta

Bi adin txikiko neska larri zauritu dira gaur goizean Buñuelen izan den trafiko istripuan.

Auto batek bi neskak zihoazen motorra harrapatu du eta, ondorioz, zauri larriak jasan dituzte.

Foruzaingoak jakitera eman duenez, 15 eta 16 urte dituzte biktimek eta Tuterako Ospitalera eraman dituzte. Bertara eraman dute auto-gidaria ere. Gizona, Pradillako (Zaragoza) bizilagun bat da.

Bestalde, pertsona bat hil da asteburuan Nafarroan, Milagron izandako auto istripuan. Gainera, beste 12 istripu ere gertatu dira. Ikusgarriena, agian, atzo, Aiegin, A-12 autobidean auto batek izan zuena. Autoa iraulita geratu zen eta gidaria nahiz hiru adin txikiko ospitalera eraman behar izan zituzten.