Gizartea -

Bizkaia

Gizon bat hil dute Santurtzin, labankadaz

Hiru gizon atxilotu dituzte. Hilketa Santurtziko portutik gertu jazo da bart, 23:00ak aldera. Ertzaintzaren urpekariak ebidentzien bila ari dira bertan.

Urpekariak Santurtziko portuko uretan ari dira ebidentzia bila. Argazkia: Ertzaintza
Urpekariak Santurtziko portuko uretan ari dira ebidentzia bila.
Urpekariak Santurtziko portuko uretan ari dira ebidentzia bila. Argazkia: Ertzaintza

E. G. | EITB MEDIA

Whatsapp Facebook Twitter Telegram Email

51 urteko gizonezko bat hil dute bart Santurtzin (Bizkaia) labanaz eraso ostean, Eusko Jaurlaritzako Segurtasun Sailak jakinarazi duenez. Santurtziko Udaltzaingoak hiru gizon atxilotu ditu, adingabe bat tartean, hilketarekin zerikusia dutelakoan.

Erasoa osteguneko 23:00ak aldera jazo da Victoria Erreginaren itsas pasealekuan, portutik gertu.

Iturrion arabera, lau gizonek sesioa eduki dute, eta biktimari labanaz eraso diote. Larri zauritu, eta bertan hil da.

Udaltzainek ustezko hiru inplikatuak atxilotu ditu handik gutxira. Atxilotuek ertzain-etxean jarraitzen dute, epailearen aurrera noiz eramango zain.

Ertzaintzak ikerketa zabaldu du gertatutakoa argitzeko. Horren ildoan, polizia autonomikoaren urpekariak hilketaren ebidentziak topatu nahian ibili dira egun osoan.

Hau zure interesekoa bada, baliteke beste gai hauek ere izatea
Ertzaintza Santurtzi Bizkaia Gizartea Eguneko albisteak Albisteak Giza hilketak