Publizitatea
Itxi

2021/04/20

17:30

Gizartea

Txertoak

EAEko herritarren % 21ek lehen dosia jaso dute, eta % 8 immunizatuta daude jada

AGENTZIAK | EITB MEDIA

Osasun sailburuak nabarmendu du ez dela inor geratuko "txertatu gabe", eta barkamena eskatu du Osakidetzaren webguneko arazo teknikoak direla eta.

  • AstraZenecako txertoak Bexen Medical enpresaren Hernaniko egoitzan.

    AstraZenecako txertoak Bexen Medical enpresaren Hernaniko egoitzan. Argazkia: EITB Media

  • Whatsapp
  • Whatsapp
  • Telegram
  • Bidali

Gotzone Sagardui Osasun sailburuak barkamena eskatu du txertatzeko hitzordua hartzeko webgunearen arazo teknikoengatik, baina sistema "egokia" dela defendatu du. "Sentitzen ditugu eragozpenak, baina argi gera dadila ez dela inor geratuko txertatu gabe", nabarmendu du.

Sagarduik eta Bingen Zupiria Eusko Jaurlaritzako bozeramaileak prentsaurrekoa eskaini dute gaur, egoera epidemiologikoaren berri emateko.

Osasun sailburuaren esanetan, orain arte 640.556 txerto jarri dituzte Euskadin. Herritarren % 21ek lehen dosia jaso dute dagoeneko, eta % 8 immunizatuta daude, bigarrena ere hartu baitute.

Astero jasotzen diren dosiekin, "arrisku handiko" kolektiboetan eta adinaren arabera txertatzen jarraituko dute oraingoz. Une honetan, 60-65 eta 74-79 adin tarteko pertsonei jartzen ari dira txertoak.

"Ez da inor geratuko txertatu gabe"

Osakidetzan txertatzeko hitzordua hartzeko sistemari dagokionez, Sagarduik esan du herritarren erantzuna "oso ona" izaten ari dela, eta "ordu gutxitan" agortu egin direla 74-79 adin tarterako zita guztiak.

Hain zuzen ere, asteleheneko 15:00etatik astearteko 08:00etara 19.116 pertsonak hartu dute zita, eta horietako erdiek webgunearen bitartez egin dute.

Nolanahi ere, aitortu du astelehenean sistemak "arazo teknikoak" izan zituela. "Lan egiten ari gara berriro gerta ez dadin", azaldu du.

Mutualitateak eta hilaren 22ko greba orokorra

Atzo, Jose Luis Escriba Espainiako Gobernuko Gizarte Segurantzako ministroak iragarri zuen lan mutualitateek ere txertaketa prozesuan parte hartuko dutela. Horren harira, Sagarduik gogorarazi du Osakidetza "hasieratik" ari dela mutualitateekin lan egiten, eta, horrenbestez, Madrilek egindako iragarpenak "aldaketarik" ekarriko ez duela iritzi dio.

Bestalde, Osasun sailburuak esan du gehiengo sindikalak sektore publikoan hilaren 22rako deitutako greba orokorrak ez duela eraginik izango txertaketan.

BANATUTAKO ETA JARRITAKO TXERTOAK MARKA KOMERTZIALAREN ARABERA BioNTech / Pfizer Moderna / Lonza * AstraZeneca * Janssen Guztira
Jasotako txerto kopurua 2.484.900 526.100 444.200 110.850 3.566.050
Jarritako dosiak 2.317.150 342.899 476.747 98.747 3.235.543
Jarritako dosien % % 93,2 % 65,2 % 107,3 % 89,1 % 90,7
Jarritako 1. dosiak 1.125.181 167.492 256.855 0 1.549.528
Jarritako 2. dosiak 1.098.612 157.241 213.073 0 1.468.926
Dosi bakarrak 93.357 18.166 6.819 98.747 217.089

JARRITAKO TXERTOAK ARRISKU TALDEAREN ARABERA 1. dosia 2. dosia
Zentro sozio-sanitarioetako egoiliar eta profesionalak % 100 % 100
Osakidetzako profesionalak % 100 % 100
Osasun arlo pribatuko profesionalak % 100 % 89,5
Ertzaintza (55etik beherakoak) % 100 % 0,0
Beste zerbitzu sozio-sanitarioetako profesional eta erabiltzaileak (55etik beherakoak) % 100 % 0,0
Hezkuntza arloa (55etik beherakoak) % 100 %0,0

JARRITAKO TXERTOAK ADIN TALDEAREN ARABERA 1. dosia 2. dosia
100 urte edo gehiago % 95,7 % 94,4
90-99 urte % 93,2 % 93,1
80-89 urte % 97,2 % 96,8
70-79 urte % 95,8 % 95,7
60-69 urte % 93,9 % 93,9
50-59 urte % 94,3 % 92,8
40-49 urte % 90,4 % 89,3
30-39 urte % 81,6 % 76,8
20-29 urte % 74,6 % 65,8
16-19 urte % 81,1 % 66,9
12-15 urte % 83,5 % 51

Txertaketa taldeak eta irizpideak
TALDEA DESKRIBAPENA TXERTO MOTA
1. TALDEA

Adinekoen eta mendekotasun handia duten pertsonen egoitzetako egoiliarrak eta haietan lan egiten duten langile sanitarioak eta soziosanitarioak.

Zaurgarritasun handiako printzipioa jarraituz, immunitate-burbuilak lortzeari eman zaio lehentasuna, egoiliarrei eta langileei txertoa jarriz.

Pfizer
2. TALDEA Esparru sanitarioko eta soziosanitarioko lehen lerroko pertsonala. Honako arrazoi hauengatik esposizio-arrisku handiena duen pertsonala: (1) COVID pazienteei zuzeneko arreta emateko jarduerak egitea (harreman estua eta esposizio-denbora luzeagokoa); eta (2) SARS-CoV-2 bidezko infekzioa duen pertsona batekin kontaktua izateko probabilitate handiagoa izatea. Pfizer + Moderna
3. TALDEA

Beste langile sanitario eta soziosanitario batzuk.

3.A. Ospitale-eremuko langileak, lehen mailako arretakoak, funtsezko lehen lerrokotzat jotzen ez direnak (2. taldea), lan-jardueraren esposizio-arriskuaren eta babes-neurri egokiak hartzeko aukeraren arabera

Maskara gabeko pazienteak 15 minututik gora artatzen dituzten profesional sanitarioak, hala nola estomatologia eta odontologiakoak, hortz-higienekoak, medikuntza estetikoak, logopedak, foniatrak,...

Pfizer + Moderna

3.B. Pandemiaren kudeaketan eta erantzunean inplikatuta dagoen eta 2. taldean txertatu ez den osasun publikoko zerbitzuetako pertsonala.

Eguneko zentro soziosanitarioetako pertsonala, desgaitasuna duten pertsonentzako zentroetako langileak, udaletako etxez etxeko laguntza zerbitzuen langileak, farmazia-bulegoetako pertsonala, kontsulta medikoena, fisioterapiakoak edo beste partikularrak, osasun-ikuskapeneko, lege-medikuntzako eta auzitegi-medikuntzako zerbitzuena, adingabeen egoitzetako pertsonala, helduen espetxeetakoa …

AstraZeneca
4. TALDEA

Mendekotasun handia duten pertsonak, ez instituzionalizatuak

III. mendekotasun-maila duten pertsonak, hau da, laguntza-neurri handiak behar dituztenak eta gaur egun etxean bizi direnak.

Pfizer + Moderna
5. TALDEA
  • 5.a taldea. 80 urteko eta gehiagoko pertsonak.
  • 5.b taldea. 70-79 urteko pertsonak.
  • 5.c taldea. 60-69 urteko pertsonak.
Pfizer + Moderna
6. TALDEA
  • Grupo 6.A. Poliziak (Ertzaintzakoak, udaltzaingoetakoak eta Estatuko beste gorputz batzuk)
  • Grupo 6.B. Haur-hezkuntzako eta behar bereziak dituzten haurren irakasleak.
  • Grupo 6.C. Lehen eta Bigarren Hezkuntzako irakasleak.

Horrez gain, txertoak eskuragarri dauden neurrian, aurrekoez gain, honako kolektibo hauek ere hartuko dira kontuan:

  • Supermerkatuetako kutxazainak; garraio publikoko garraiolariak; ofiziozko txandako abokatuak eta ehorztetxeetako langileak.
AstraZeneca
7. TALDEA

60 urtetik beherakoak, covidaren ondorioz, gaixotasun larria izateko arrisku handia dutenak.

Gainerako biztanleak: 55 eta 45 urte bitarteko kohorteekin hasten diren adin-kohorteak.

Pfizer + Moderna

Txertoaren ezaugarriak
Laborategia Txerto mota Biltegiratzea Arautze egoera Bigarren dosia
Pfizer/BioNTech ARNm Izoztu -80ºC-an EMAk onartua 21 egun
Moderna/Lonza ARNm Izoztu -25ºC-tan EMAk onartua 28 egun
AstraZeneca/Oxford Adenobirusa Hotzean 2-8ºC-tan EMAk onartua 10-12 aste
Johnson & Johnson/Janssen Adenobirusa Hotzean 2-8ºC-tan EMAk onartua
Novavax Nanopartikulak Hotzean 2-8ºC-tan
Curevac ARNm Hotzean 2-8ºC-tan
Sanofi Pasteur y GSK Bakulobirus errekonbinatea Hotzean 2-8ºC-tan
Laborategia
Pfizer/BioNTech
Txerto mota ARNm
Biltegiratzea Izoztu -80ºC-tan
Arautze egoera EMAk onartua
Bigarren dosia 21 egun
Moderna/Lonza
Txerto mota ARNm
Biltegiratzea Izoztu -25ºC-tan
Arautze egoera EMAk onartua
Bigarren dosia 28 egun
AstraZeneca/Oxford
Txerto mota Adenobirusa
Biltegiratzea Hotzean 2-8ºC-tan
Arautze egoera EMAk onartua
Bigarren dosia 10-12 aste
Johnson & Johnson/Janssen
Txerto mota Adenobirusa
Biltegiratzea Hotzean 2-8ºC-tan
Arautze egoera EMAk onartua
Bigarren dosia Dosi bakarra
Novavax
Txerto mota Nanopartikulak
Biltegiratzea Hotzean 2-8ºC-tan
Arautze egoera
Bigarren dosia
Curevac
Txerto mota ARNm
Biltegiratzea Hotzean 2-8ºC-tan
Arautze egoera
Bigarren dosia
Sanofi Pasteur y GSK
Txerto mota Bakulobirus errekonbinatea
Biltegiratzea Hotzean 2-8ºC-tan
Arautze egoera
Bigarren dosia

  • Bisitatuena

      Kargatzen ikusiena
      Kargatzen ikusiena
    ;