Bi atxilotu Gasteizen eta Donostian, genero-indarkeria dela eta

Goizalde honetan bi gizonezko atxilotu dituzte Gasteizen eta Donostian, genero-indarkeria egotzita, Herrizaingo Sailak adierazi duenez.

Lehenengo gertaera goizaldearen ordu txikietan gertatu da. Inguruko pertsona batek soinuak, kolpeak eta oihuak entzuten zituelako abisua eman dio Ertzaintzari Gasteizen. Bertaratu diren agenteek etxebizitzara joan dira, biktimak berak ireki du atea, oso urduri eta ikaratuta zegoen.

Emakumeak kolpe handia zuen ezkerreko begian, bular aldean gorritasun nabarmena eta pijamaren goiko aldea urratuta zuen. Agenteei azaldutakoaren arabera, etxean eztabaida bat izan ondoren jo du bere bikotekideak, eta egongela nahasia zegoen; mahaia buelta emanda eta puskatuta zegoen, eta ordenagailua eta arropak lurrean. Poliziak 37 urteko susmagarria atxilotu du, ustezko genero-indarkeria delitu batengatik.

Bigarren atxiloketa kalean bertan gertatu da, Donostiako Gros auzoan, emakumezko batek bere bikotekide ohiak erasotu egin duela Ertzaintzari esan ondoren, Katalunia Plazan. Agenteak biktimarekin izan dira, eta hasiera batean lesiorik ez izan arren, osasun-zentro batean artatu dute.

Bere aldetik, Ertzaintzak susmagarria aurkitu du, eta hau txakur bat paseatzen zegoen. Ustezko erasotzaileak Ertzainei iraindu egin die, eta aldi berean, txakurra zirikatu du Ertzainei eraso egiteko. Hala ere, ustezko erasotzaileari txakurra kentzea eta atxilotzea lortu dute.