Publizitatea
Itxi

2021/05/04

13:44

Gizartea

KIROLAK

Surflariek sinadurak bilduko dituzte Donostiako olatu artifizialen gunearen aurka

EITB MEDIA

Horien esanetan, proiektuak "surfaren artifizializazioa sustatzen du” eta "ingurumen ondorio oso txarrak izango ditu", "Ingurune natural bat suntsitu” egingo baitu.

  • Donostiako olatu artifizialen gunearen proiektuaren demoa.

    Donostiako olatu artifizialen gunearen proiektuaren demoa. Argazkia: Wavegarden

  • Whatsapp
  • Whatsapp
  • Telegram
  • Bidali

Gipuzkoako surflari talde batek sinadura bilketa hasiko du Donostiako Antondegi inguruan egin nahi duten olatu artifizialen gunearen aurka.

Surfrider Foundation Europe taldeak jakinarazi duenez, kirolariek "argi eta garbi defendatzen dute proiektua berehala geldiaraztea", eta "helburu horrekin mobilizatuko dira, horren inplikazio eta ondorio negatiboen berri emateko".

Helburu horrekin, Donostian olatu artifizialen instalazio bat eraikitzearen aurkako 15 argudio jasotzen dituen dokumentu bat egin dute, eta, komunikatuaren arabera, hainbat talde ekologistak eta surf elkartek sustatutako Antondegi Berdea-Olatuak Itsasoan plataformak azaldutakoak osatzen dituzte.

Horien esanetan, Aizarnazabalen (Gipuzkoa) dagoeneko horrelako instalazio bat dago, proiektuak "ez dio eskari bati erantzuten" eta "surfaren praktika artifizializatzea sustatzen du". Gainera, "ingurumen ondorio oso negatiboak" izango ditu, horien ustez, "ingurune natural baten suntsitu" egingo baitu.

Halaber, argudio horiek "Eneko Goia alkateak, hiriko udal ordezkari guztiek eta alderdi horietako zuzendaritzek eta militanteek irakurtzea eta aintzat hartzea" nahi dutela adierazi dute.

  • Bisitatuena

      Kargatzen ikusiena
      Kargatzen ikusiena