Gizartea -

Dima

Baltzolako kobak itxi dituzte Q sukarraren agerraldi baten ostean

Hamar pertsona ospitaleratu dituzte, eta beste 19 susmagarri daude.

Baltzolako leizea, artxiboko irudian. Argazkia: EiTB
Baltzolako leizea, artxiboko irudian. Argazkia: EiTB
Baltzolako leizea, artxiboko irudian. Argazkia: EiTB

agentziak | eitb media

Whatsapp Facebook Twitter Telegram Email

Baltzolako kobak bisitatu dituzten hamar pertsona ospitaleratu dituzte Q sukarrak jota, eta gaixotasunarekin kutsatu ote diren aztertzen ari diren beste 19 susmagarri daude. Dimako leizeak ixtea erabaki dute gaixotasunaren agerraldia dela eta. 

Eusko Jaurlaritzaren Osasun Sailak jakitera eman duenez, gaixotasunaren inkubazio garaian joan ziren 29 pertsonak leizeetara, 14. egunetik 39.era, ondorioz, kobazuloen sarbidea itxi egin dute. Izan ere, bisitak oso ohikoak dira, soka bat erabiltzen da ibilbidea egiteko eta eskalatzaile asko ibiltzen da bertan.

Apirilaren erdialdean hasi ziren lehenengo kasu susmagarrien sintomak, eta ordutik, Osasun Saila eta gainerako erakundeak kobak desinfektatzen aritu dira enpresa espezializatu batekin, eta itxi egin dute pasabidea, animaliak ere sar ez daitezen.

Coxiella burnetti bakterioak eragiten du Q sukarra, eta animaliek kutsatzen diete gizakiei; normalean ardiek, ahuntzek eta behiek.

Sintomen artean sukarra eta buruko eta giharretako mina egon ohi dira, eta birikietako eta gibeleko arazoak sortzen ditu.

Hau zure interesekoa bada, baliteke beste gai hauek ere izatea
Bizkaia Gizartea Eguneko albisteak Albisteak