Gizartea -

GASTEIZ

Mendizorrotza eta Gamarrako igerilekuetan ez da aldez aurreko hitzordurik beharko

Maiatzaren 28an irekiko dituzte bi igerilekuak. Aurtengo beste berrikuntza bat igerilekuetan eman ahalko den denbora da, erabiltzaile bakoitzak gehienez ere bost ordu eman ahalko baititu.

Mendizorrotzako igerilekuak.
Mendizorrotzako igerilekuak.
Mendizorrotzako igerilekuak.

EITB MEDIA

Whatsapp Facebook Twitter Telegram Email

Maiatzaren 28an irekiko dituzte Mendizorrotza eta Gamarrako kirol guneak, eta ez da beharrezkoa izango aldez aurretik erreserbarik egitea. Aurreko udan ezarritako muga batzuk kendu edo murriztuko dira. Udako kanpaina honen berrikuntza nagusia da sarrera librea izango dela, betiere gehienezko edukiera gainditzen ez bada. Edukiera denbora errealean egiaztatu ahalko da Udalaren webgunearen bidez edo instalazioetan bertan.

Beste berrikuntzetako bat igerilekuetan egoteko denbora izango da; aurten, erabiltzaile bakoitzak gehienez ere bost ordu eman ahalko ditu bertan. Ordu horiek hainbat sarbidetan eta bi instalazioetan gozatu ahalko dira.

Edukierei dagokienez, Mendizorrotzan 3.000 abonatu sartu ahalko dira; izan ere, gune horretan abonatuak bakarrik sartu ahalko dira. Gamarran, berriz, 3.500ekoa izango da, eta abonuen bidez sartu ahalko dira abonatuak ez diren pertsonak, eguneko sarrerak ez baitira egongo.

Gainera, zirkuluak markatuko dira lekuen banaketa errazteko eta txanoaren erabilera derrigorrezkoa izango da igerilekuetan. Maskara instalazio osoan erabili beharko da, zirkulu barruan eta bainatzeko unean izan ezik.

Instalazioak 08:00etatik 22:00etara egongo dira zabalik. Gamarrako igerilekuak irailaren 5ean itxiko dituzte, eta Mendizorrotzakoak, berriz, irailaren 19an.

 

Hau zure interesekoa bada, baliteke beste gai hauek ere izatea
Gizartea Eguneko albisteak Gasteiz berriak Albisteak Aisia Euskadin Uda