Publizitatea
Itxi

2021/05/15

13:33

Gizartea

BIDE SEGURTASUNA

Mallabiako alkateak barkamena eskatu du alkoholemia kontrolean positibo emateagatik

EITB MEDIA | AGENTZIAK

Alkatea "lotsatuta eta damututa" agertu da "akats larriagatik", baina zehaztu nahi izan du "pandemiaren kontrako araurik" ez zuela "urratu".

  • Whatsapp
  • Whatsapp
  • Telegram
  • Bidali

Igor Agirre Mallabiko alkateak barkamena eskatu die Bizkaiko udalerri horretako bizilagunei, maiatzaren 1ean (larunbata) egin zioten alkoholemia kontrol batean positibo emateagatik. Zortzi hilabetez gidabaimena kentzearekin zigortu dute. Alkatea "lotsatuta eta damututa" agertu da "akats larriagatik", baina "pandemiaren aurka indarrean dagoen araurik urratu ez" zuela zehaztu nahi izan du.

Agirrek agiri bat kaleratu du larunbat honetan Mallabiko herritarrei barkamena eskatzeko, eta "zoritxarreko gertakari honek udalerriaren alde lanean jarraitzeko" ez duela "ezgaitzen" uste duela azaldu du, "2015etik erakusten ari naizen dedikazioagatik, ahaleginagatik eta konpromisoagatik".

EAJko alkateak baimendutako alkoholemia-tasa maiatzaren 1ean gainditu zen, Mallabian bertan 20:30ak aldera jarritako Ertzaintzaren kontrol batean. Udalerrian bertan zela eta ordu ordu hori izanda, ez zuela "egun hartan alarma egoeragatik indarrean zegoen neurririk urratu" idatzi du.

Nolanahi ere, alkateak bere gain hartu du "akatsa", eta "lotsatuta eta damututa" dagoela adierazi du. Halaber, onartu egin du Durangon epaiketa azkar bat egin ostean ezarri dioten zigorra.

"Zirkulu hau itxi nahi dut, ahalik eta ondoen" dio kaleratu duen oharrean,  eta horregatik eskatzen diola barkamena Mallabiako herriari.

  • Bisitatuena

      Kargatzen ikusiena
      Kargatzen ikusiena
    ;