Gizartea -
Erasoa
Espetxera bidali dute bortxaketa egotzita Bilbon atxilotutako gizona
Astelehenean, goizaldean, emakume baten aurka Bilbon gertatutako sexu erasoa egotzi diote 28 urteko gazteari. Aurretik, beste 20 aldiz atxilotu izan dute gizona.
Erredakzioa
Emakume bat bortxatzea egotzita Bilbon atxilotu duten 28 urteko gizona espetxera bidali dute. Astelehenean, goizaldean, emakume baten aurka Bizkaiko hiriburuan gertatutako sexu erasoa leporatzen diote gizonari. Biktimak jarritako salaketaren arabera, goizaldeko lauretan gertatu zen erasoa, bikoteak taberna batean elkar ezagutu ondoren. Gizonezkoak lonja batera eraman omen zuen neska lehenengo, eta mendi eremu batera gero, eta bietan egin zion eraso.
Gizonezkoak emakumea aske utzi zuenean honek salaketa jarri zuen, eta Ertzaintzak atzo bertan atxilotu zuen ustezko erasotzailea.
Gizonezkoa hogei bat aldiz atxilotu dute lehen ere: lapurreta, bortxaketa, iruzurra eta bestelako delituengatik. Bilatzeko eta atxilotzeko agindu deitua zuen, beste delitu batengatik.