Gizartea -

INDARKERIA MATXISTA

Gizon batek bikotekide ohia eta zazpi urteko semea hil ditu Mallorcan

26 urteko emakumea haurdun zegoen eta salaketa jarrita zeukan tratu txarrengatik. 36 urteko gizonak hilketa aitortu du eta atxilotu egin dute.

Sa Pobla (Mallorca), hilketak gertatu diren udalerria. Argazkia: EFE
Sa Pobla (Mallorca), hilketak gertatu diren udalerria
Sa Pobla (Mallorca), hilketak gertatu diren udalerria. Argazkia: EFE

EITB MEDIA | AGENTZIAK

Whatsapp Facebook Twitter Telegram Email

Gizon batek bikotekide ohia, 26 urteko emakume haurduna, eta bere zazpi urteko semea hil ditu astelehen honetan Mallorcako Sa Pobla udalerrian. Emakumeak salaketa jarrita zeukan tratu txarrengatik

Guardia Zibilak 36 urteko gizona atxilotu du, bikotekide ohiaren eta zazpi urteko semearen hilketa leporatuta. Antza denez, gizona bera jarri da harremanetan agenteekin eta hilketak onartu ditu.

Biktimen gorpuak astelehen arratsaldean aurkitu dituzte, 17:20 aldera, Sa Poblako etxebizitza batean.

Biktimak bi salaketa jarrita zeuzkan, 2012an eta 2018an, tratu txarrengatik.

Urtea hasi denetik Balearretan gertatu den lehen hilketa matxista da.

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta / edo deitu doako telefono hauetako batera: 900 840 111 (Euskadin) edo 016 (Estatu osoan). Ez dute fakturan arrastorik uzten, baina bai telefonoan. Beraz, ez ahaztu ezabatzea.

Hau zure interesekoa bada, baliteke beste gai hauek ere izatea
Tratu txarrak Delituak albisteak Gizartea Eguneko albisteak Albisteak Matxismoa gaur Umeak azken ordukoa Balearrak azken ordukoa Giza hilketak

Informazio gehiago