Gizartea -

KORONABIRUSA

Astebete heriotzarik gabe eta 50 positibotik behera, Nafarroan

Zizur Nagusian zenbatu dituzte positibo gehien, bost, eta hortik behera kokatu dira beste udalerri guztiak.

Emakume bat beste bati maskara ipintzen laguntzen. Argazkia: EFE
Emakume bat beste bati maskara ipintzen laguntzen.
Emakume bat beste bati maskara ipintzen laguntzen. Argazkia: EFE

Eider Garaikoetxea | EITB MEDIA

Whatsapp Facebook Twitter Telegram Email

Joan den astean ez zen inor hil covid-19aren ondorioz Nafarroan, eta atzo 46 positibo berri antzeman zituzten. Beraz, pandemiaren bilakaerak beherako joerari eusten dio.

1.117 proba diagnostiko egin zituzten (bezperan 51 proba gutxiago) eta horietatik % 4,1k eman zuten positibo. Positibotasun tasak apur bat gora egin du, bezperan % 3,8an baitzegoen.

Bezperan baino bi kasu gehiago dira, baina duela astebete baino hamar gutxiago, eta duela 14 egun baino 14 gutxiago.

Kutsatze gehien pilatu dituzten udalerri edo guneei dagokienez, Zizur Nagusia da denen buru, bost kasurekin. Ondoren datoz Agoitz, Azkoien eta Iruñeko Mendillorri auzoa, launa positiborekin. Azkenik, Noainen eta Alkotzen, hiruna kutsatze zenbatu dituzte.

Ospitaleetan ere egoera hobera egiten ari da: 77 paziente daude, larunbatean baino bat gutxiago. Atzo, bi pertsona eraman zituzten erietxera eta, guztira, 17 lagun daude zainketa intentsiboetako unitateetan.

Pandemia hasi zenetik, 1.182 pertsona hil dira koronabirusaren ondorioz Nafarroan eta 61.575 kutsatze izan dira.  

 

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.

Hau zure interesekoa bada, baliteke beste gai hauek ere izatea
Iruñea Nafarroa Gaixotasunak Gizartea Eguneko albisteak Albisteak Nafarroako Gobernua Zientzia Osasun albisteak Medikuak Altsasu Azkoien Erizaintza Sendagaiak Txertoak Barañain Nafarroako Ospitale Gunea Koronabirusa Anbulatorioak Osasunbidea